बान्तवा भाषाको कविता " अंका इमा मारङाङ्"
अंका इमा मारङाङ्
अंका कोङ्डाङ्का छाप्मा मान्छोङाङ
सुन्तुम् माखारा ओ बेला
मामायङ् छाङ माखारा
खाना रिदुम पादुम चि अलेनङ नि तचेप
मुद्दुम दा दि याक नि तचेप?
फेरी खाना बड्ढे खिप्टाङ नि तचेप
बड्ढे लेसुङ-सिन्टुङ ओ नि छाङ तचेप
खोनकी बड्ढे तलेसु नालो खै दि तलेसु?
बड्ढे तखिप्टु नालो खेै दि तखिप्टु?
बड्ढे तसिन्टु नालो खै दि तसिन्टु?
आम यङ्खान तलेनान!
आम चिखिम तसिन्नान्!
माङ्खिम तरात्नान् !
दिवा-दिमा चि मखाप्याङ ओ तखाङनान्!
३२ पुस्ता किरावा हाङ् चि साङ् नि ओ तलाम्नान
आप्पि तलेनान् काले-कासिन्लाई छाङ तसेन्नान्
हानचेप दिओ?
उधौली दिओ? उभौली दिओ? मुद्दुम दिओ?
खै तलामु ओ खाना? खै तसिन्टु ओ खाना?
खोन्की तसेनु होला ओ हानचेप लेसुम सिन्टुमकि डि लिओ?
आमकोङ तुक्नालो तुक्ने
सारिभोम् दात्नालो दात्ने
तर अंका अकटाट दुम लोना ने
मोको दुम एनु, सिन्टु, छाप्टु, हान्टु अनि राट्टु
खाना साङ् ओ नि सिन्टु!
आम सुन्तुम राट्टु
मामायङ हान्टु
देकिनालो!
चायाङ दिमा दिवा चीआ मप ओ यङ रे मो
खोचि मात्दाङ ओ उन्दे खाडाङ्का तलिसा खाना मो?
खोचि ओ डिएनए खाना हे माआङ मो?
खाना पानिवाङ यङ तले
खाना अंग्रेजी यङ् छाङ् तले
डिएनए नि ओ तसिन्टु होला
झाराक यङखान लेमा तछोनालो जाति
बड्ढे तले-तसिन्नालो झन् जाति
तर
मामायङ लेसु, सुन्तुमलाई सिन्टु
उधौली-उभौली दा सुप्तुलुुङ राट्टु
बड्ढे लेसु-सिन्टु
फेरि खाना छाङ अंका हत्नि इमा तरनान्
कोङ्डाङ्का छाप्मा तरनान्
सेवा लोक्मा तरनान्।
सेवाने!
शम्भु राई "बाछाना"
अक्टोबर २६ तारिख २०२०
Comments
Post a Comment